ഈച്ച കഥ

 ഈച്ച                                                                                         കഥ

വിദേശ വിപണിയിൽ ഇന്ത്യൻ കുരുമുളകിന് ഡിമാന്റ് വര്ധിച്ച കാലത്ത്  നമ്മുടെ നാട്ടിൻപുറങ്ങളിൽ പണം കുമിഞ്ഞുകൂടി .അന്ന് നൂറു രൂപ നോട്ടിൽ ശർക്കര പുരട്ടി ഈച്ചയ്ക്ക് വെയ്ക്കുന്ന  മത്സര വിനോദം ഏറെ പ്രചുര പ്രചാരം നേടി .പില്ക്കാലത്ത് കറുത്ത പൊന്നിന്റെ ഡിമാന്റ്  പോയത് ഈച്ച അറിഞ്ഞില്ല .ഇന്ന് രണ്ടു മത പണ്ഡിതന്മാർ കഞ്ഞി കുടിക്കാനിരുന്ന  സദസ്സിൽ ഈച്ച ഇരുന്നു . അവർ തമ്മിൽ തർക്കമായി. ഈച്ചയുടെ പാദം സ്പർശിച്ച കഞ്ഞി നിഷ്ദ്ധമാണെന്നും ഈച്ച  പൂർണമായി മുങ്ങിയ കഞ്ഞി കഴിക്കാമെന്നും. ഒടുവിൽ അവർക്കു മുന്നിലിരുന്ന .കൊമ്പൻമീശയുള്ള അമേരിക്കൻ    ഇനത്തിൽ പെട്ട പൂച്ച തീർപ്പ്‌ കല്പിച്ചു . ഈച്ചയെ  ആദ്യം  ജീവനോടെ തിന്നു . പിന്നീട് മതപന്ധിതന്മാരെ  കടിച്ചു  കീറിയിട്ട്  പൂച്ച തീന്മേശയിൽ  കയറി വിശ്രമിച്ചു .
(ഈ കഥ 2002 ഇൽ ഭ്രാന്ദൻഗ്രാമം  എന്ന സമാഹാരത്തിൽ പ്രസിദ്ധീകരിച്ചു .)


                                                                                               ഒ.പി .ഹരീശൻ  
                                                                                                 ഉദയഗിരി
                                                                                                 ദേവർകോവിൽ